الثلاثاء 27 ـ 06 ـ 2017 

الدولية للإعلام 

في أول تعليق للفنانة أصالة نصري عقب أزمة ضبطها بمطار رفيق الحريري ببيروت، واتهامها بحيازة مواد مخدرة "كوكايين"، بقصد التعاطي، كتبت منشورًا ترد فيه على ما نشر.

وقالت أصالة نصري، على مختلف حساباتها بمواقع التواصل الاجتماعي: "على قدّ ما كانت الساعات الطويلة الماضية قاسية وصعبة، على قدّ ما فرحت بالمحبّة وبالاهتمام وبالثقة اللي غمرتوني فيها".

وأضافت أصالة: "ماتعوّدت بحياتي فسّر أو وضّح أو كون بمطرح المتّهم، مو بس لثقتي بنفسي بل لأنّي ومن عمري ست سنين وأصغر وأنا بين الناس وكثار كثير اللي اهتمّوا فيني، وكثار كنير اللي أضافولي وعلّموني، ولا أبالغ لو قلت إنّي بحسّ بمسؤولية التعبير حتّى فيما له بالغ الأثر على أماني وأمان عائلتي ، لأنّي ضمير هالناس اللي مابيقدر صوتهم يوصل، طبعاً مرّات بندم وبقول شو كان بدّي بهالتعب، بس الأكيد إنّي خلقت لكون مثل ما أنا".

وتابعت أصالة: "بيروت حبيبتي وتوأمي والناس اللي فيها بتساعدني وبتحبني أكثر بكثير من غيرهم، أنا بحسّ حالي خلقت فيها وبعشق كلّ ذرّه من ترابها، ومارح أزعل منها كثير لأنّه مالها ذنب".

وشكرت أصالة من ساندوها وساعدوها من دولة لبنان، قائلة: "وصلت اليوم بيتي ثعبانة شوي ومصدومة شوي ومقهوره شوي، بس كمان عندي أمل بالضمير وخصوصاً لمّا قريت بعض الرسائل لمن لاتربطني بهم مودّة ومع ذلك نفوا عنّي ماأُشيع، والحقيقة هالشي فرّحني متل مافرحت بالكم الهائل من المحبّة والاهتمام اللي خفّف عنّي شعور الظلم اللي مارح أتعوّد عليه، ما في شي اسمه صحافة صفرا بس فيه ناس صفرا بيشتغلوا صحافة وكلامهم أنتوا ردّيتوا عليه، ومالحق يجرحني".

ووجهت أصالة سؤالًا لمن وصفتهم بالصحفيين الصفر، قائلة: "ليش لازم كون مُتّهمة وملوّثة ليكتب قلمكم عنّي؟ ممنوع كون حرّة؟ ممنوع طالب بالعدل؟ ممنوع كون بشر مثل البشر اللي خلقهم الله ليكونوا جنب بعض؟

واختتمت أصالة: "أملي ببكره أحلى كبير وأملي حتّى بالضمير اللي مات يصحى كمان مازال موجود، وأنا كتبت لطمّنكم، إنّي قدوة ووفيّة لثقتكم ومعكم عم بستنّى العدل يسود، ومعكم عم كافح لنكون أحرار، ورح أرجع بيروت لما بتشتقلي، وتحميني قبل ماتظلمني".